Contra vento e marea

O domingo día 11 de máio realizamos a terceira saída desta actividade. A novidade é que tivemos máis xente que se quería apuntar que piraguas dispoñibles. Remamos con dous grupos de amigos e Pontevedra.

No grupo de piragüistas que formamos, tiñamos xente con máis experiencia e xente que se estreaba. Como a mañán levantouse ventosa, e non sabíamos como ía a evolucionar decidimos bordear ata punta Cabalo seguindo o abrigo da terra e chegar ata a baía de Larache si o vento o permitía.

Despois dunhas breves e humildes explicacións de como se utiliza unha piragua e as normas básicas de seguridade, nos preparamos e o auga!. Bordeamos o pantalán e collemos rumbo a punta Cabalo. Uns colleron un ritmo mais vivo e outros iamos máis de vagar. O sol nos quenceu a ratos o que permitia certos momentos de relax, sempre co permiso do vento que era racheado.
Esto nos permitia ir falando e para min ir coñecendo a xente.

O chegar a punta Cabalo, o vento e as olas tiñan máis presencia. Despois de falar, se decidiu continuar. A marea estaba baixando, indo na nosa contra e o vento do norte tampouco nos favorecia.

Os máis insistentes case chegaron a acadar obxectivo, os que iamos atras notábamos como por cada palada hacia adiante iamos media atras. O peor era o parar, que o vento e a marea te levaban outra vez hacia o punto de partida.

Unha vez nos desfogamos, matando o becho das gañas de remar, dedidimos dar volta. Eso si é velocidade!, co vento e a marea a favor si que se avanza, polo que logo chegamos o clube.

Xa no clube endulzamos o material e recollemos, unha duchiña, recollida de correos e despedida.
Voltaremos a vernos en próximas saídas.

A próxima saída é o domingo 1 de xuño, esperamosvos.

Travesía a illa de San Simón

A segunda saída da actividade Remandomingo foi a illa de San Simón. Tiñamos previsto ir o 6 de abril ata as salinas de Ulló, pero a marea impedíunolo. Ese día as 11:00 da mañá a auga estaba tan baixa que tivemos que saír no final do espigón do peirao do porto de Santa Cristina. Esto lle deu un pouco de emoción a saída, xa que a cousa non era moi fácil e corríamos certo risco de ir o auga. Finalmente non houbo problema, coa axuda dos demáis e apoiando o remo debidamente, un pequeno empurrón, e... xa estábamos en disposición de cruzar a ría.

O día foi perfecto. Sol, agradábel temperatura, o mar coma un prato. Ata nos atrevemos a sacar a cámara no medio do mar para sacar unhas fotos. Palmira e Manuel estiveron falando e falando dos aburridos asuntos do clube, mentres Jose Luis ía máis solitario meditando sobre os seus asuntos.

Ó chegar a praia de Cesantes poidemos contemplar os submarinistas do capitán Nemo, obviamente sen auga, compartindo a nosa curiosidade pola escultura cos paseantes da praia. Alí tamén nos contou Palmira unha anécdota dunha vez que tivo que refuxiarse na illa de San Simón, tendo que abandoar a piragua, un día de mal tempo nos seus tempos mozos.

Para voltar rodeamos a illa, esculcando os seus rincóns en busca dos misterios que agochan os lugares inaccesíbeis. Tomamos dirección o clube coa sensazón pouco gratificante de repetir o camiño a volta, onde non hai nada novo que descubrir.


Vos esperamos.

Estreámonos remando a San Adrián

Despois da intentona fallida do 3 de febreiro, o primeiro domingo de marzo saímos a remar. Por fin empezamos con esta actividade destinada a tódolos socios e non socios que queiran saír a disfrutar da piragua en compañía.

A verdade a cousa non foi doada, o primeiro domingo de febreiro comezou con un temporal que entraba polo sur, polo que decidimos non saír. Marzo tampouco comezou con boa cara, estaba un día gris e nevoento, pero non facía frío e o mar estaba coma un prato. As 11:00 da mañá estabamos Palmira e eu (Manuel) dispostos e inaugurar a tempada. Pese a que eramos só dous, apetecíanos palear. Pero como non hai dous sen tres, apareceu Jose Luís, que o avisáramos o día anterior e que despóis de algún tempo sin saber de él, se achegou disposto a participar.

O resto foi tomar dirección hacia o peirao de San Adrián, remar e parolar. O día invitaba a ir tranquilo e sen un obxectivo moi definido. Disfrutamos de estar con Jose Luís despois de tanto tempo, poñéndonos o día das nosas vidas. Entretanto iamos pasando pequenos barquiños de xente que estaban pasando a mañán pescando. Cando chegamos a San Adrián decidimos dar volta, Palmira prefería acabar antes, polo que tomamos rumbo o clube.

Na volta decidimos a onde iamos a ir o próximo domingo 6 de abril: As Salinas de Ulló. Así que xa sabedes ¡animadevos!, vos esperamos as 11:00 horas no Clube.

Chao